စကားလက်ဆောင်

လူ့ဘ၀ရဲ့
ညအသင်္ချေမှာ
အိပ်မက်နှောက်ယှက်မှုကင်းတဲ့
အိပ်စက်ခြင်းဆိုတာ
ဘယ်ခါကမှ မရှိခဲ့ပါ။

သေခြင်းရဲ့အဆုံးစွန်
တမလွန်ရှိသည်ဆိုလျင်
ငါ့ရဲ့သေဆုံးခြင်းဟာ
အလင်းရောင်သစ္စာရှာတဲ့
ကဗျာဆရာဟိုးမားတို့နှင့်
သွားရောက်တွေ့ဆုံဆွေးနွေးခြင်းပင်၊

သေခြင်းရဲ့အဆုံးစွန်
တမလွန်မရှိဘူးဆိုလျင်
ငါ့ရဲ့သေဆုံးခြင်းဟာ
အိပ်မက် အနှောက်အယှက်ကင်းတဲ့
အိပ်စက်ခြင်းပင်။

သေရမှာကို
ငါဘယ်လိုမှ မကြောက်တကား၊

ငါကြောက်တာက
ကိုယ်ယုံကြည်တာကို အချိုးဖျက်ခံပြီး
ပြောရေးဆိုခွင့်မဲ့စွာအသက်ရှင်နေရမယ့်
သီလကြောင်ဒီလောကရဲ့
နေ့ လ ရက်များ။ ။

အောင်ချိမ့်

တနေ့က သူငယ်ချင်းတယောက်နဲ့ အိပ်မက်အကြောင်း စကားစပ်မိရာကနေ ဒီကဗျာလေးကို သွားသတိရမိပါတယ်။ မြန်မာမော်ဒန်ခေတ်ဦးက ၁၉၇၀ နှောင်းပိုင်း မိုးဝေစာပေမဂ္ဂဇင်းမှာ ဖတ်ခဲ့ဘူးတဲ့ ကဗျာလေးပါ။ ကဗျာတွေကို အလွတ်ရလေ့မရှိတဲ့ ကျနော်ဟာ ဒီကဗျာကိုတော့ စိတ်ထဲ စွဲမြဲနေခဲ့ပါတယ်။ ကျနော့်ရဲ့ အလုပ်လမ်းညွုန်ကဗျာလို့ဆိုလည်း မမှားပါဘူး။

Kommentarer

  1. အောင်သာငယ်9. august 2008 kl. 18:26

    တခါမှ မဖတ်ဖူးဘူးဗျ။
    အသံမှာ အောင်ချိမ့်ဆိုတာ မှတ်သားဖူးတယ်။
    ကိုဝေလင်း ဝေမျှပေးတာ ကျေးဇူးပါ။
    အားလုံးရဲ့ အလုပ်လမ်းညွှန်လည်း ဖြစ်ရမှာပါ။

    SvarSlett
  2. pandora9. august 2008 kl. 20:36

    တခါတခါ အိပ်မက်လား တကယ်လား မကွဲဘူးလေ။ မနိုးမချင်းတော့ အိပ်မက်လို့ပဲ မှတ်ပါတယ်။

    SvarSlett
  3. cohtet11. august 2008 kl. 06:15

    ကျေးဇူးပါပဲ၊ ကျွန်တော် အကြိုက်ဆုံးကဗျာဆရာထဲမှာ အောင်ချိမ့် ပါပါတယ်။

    SvarSlett
  4. တန်ခူး13. august 2008 kl. 21:39

    စိတ်ထဲစွဲမြဲနေလောက်အောင်လဲ ကောင်းပါပေတယ်… မျှဝေပေးတာ ကျေးဇူးပါ…

    SvarSlett
  5. ကောင်းကင်ကို14. august 2008 kl. 00:50

    ဆရာ အောင်ချိမ့်ရဲ့  ကဗျာလာဖတ်သွားပါတယ်

    SvarSlett
  6. Moe Cho Thinn15. august 2008 kl. 20:48

    ကိုဝေလင်းရေ
    ကဗျာလေး ဝေမျှပေးလို့ ကျေးဇူးပါ။ ဦးရေးတာ ကောင်းလိုက်တာ။ ဘယ်တုန်းက ရေးခဲ့ ကဗျာလဲဆိုတာ သိရင် ကောင်းမှာနော်။
    အခုမှ ဒီဘလော့ဂ်လေး ရောက်ဖူးပါတယ်။ အဖေ့ပုံတွေ့လို့ အံ့သြသွားတယ်။ အဖေနဲ့ ခင်တယ် ထင်ပါတယ်။ ကျေးဇူးတင်ပါတယ်။

    SvarSlett

Legg inn en kommentar

Populære innlegg fra denne bloggen

ပင်လယ်ဓါးပြ

နှင်းခါးမိုး အဆုံးမရှိတဲ့ပင်လယ်မှာ သားကောင်နောက်ကိုလိုက်သူ အပြောကျယ်တဲ့ပင်လယ်မှာ ရတနာကျွန်းကိုရှာသူ မြေပုံထဲမှာမပါတဲ့ကျွန်းကလေးတွေမှာ တခါတလေပုန်းခိုတတ်သူ။ စိတ်ကြိုက်ကမ်းခြေတခုမှာ တနေ့ကျရင်မြို့ကြီးတမြို့တည်အုန်းမတဲ့၊ ကမ္ဘာကြီးကိုလုယက်ဖို့ဆိုတာ သိန်းငှက်တကောင်နဲ့ သစ်သားခြေထောက်တဖက်ပဲလိုသတဲ့။ ကောင်မလေးရေ နောက်ဆုံးကျန်တဲ့မျက်လုံးတဖက်လို ငါ မင်းကိုချစ်ခဲ့ပါတယ်။ ။
Les mer

ခေါင်းစဉ်မပါတဲ့မှတ်စု

အမှောင်ကကြီးစိုးဖို့အားယူနေသည်။ အလင်းရောင်က မှိန်ပြယ်ဖျော့လှီစ၊ အားမရှိတော့။ နေနှင့်ညအကူးအပြောင်းကာလဟုဆိုနိုင်သည်။ အနောက်ဖက်ကောင်းကင်မှာ တိမ်တွေက အရောင်စုံသည်။ ဒါကိုပင် ဆည်းဆာအလှဟု ဖွဲ့ဆိုကြသည်။ တိမ်စွယ်မှာဆီးမီးထွန်းသလိုပင် ဆိုတဲ့စာသားကလေးက ရင်ကိုရိုက်ခတ်လာသည်။ ဒီအချိန်မှာ အကျည်းတန်တွေတောင်လှတယ်ဟုပင် ဆိုလိုက်ကြသေးသည်။ ညက အမှောင်ကိုသာမဟုတ်။ တိတ်ဆိတ်ငြိမ်းအေးမှု၊ ငြိမ်သက်အနားယူမှုတို့ကို ယူဆောင်လာသည်လေ။ တနေ့တာနွမ်းလျမှုတို့ကို အမောဖြေအနားယူခွင့်ရချိန်မဟုတ်လား။ မိသားစုအိမ်အမိုးလေးအောက်မှာ၊ ချစ်သူ့ရင်ခွင်မှာ၊ နွေးထွေးလုံခြုံတဲ့ကိုယ်ပိုင်အိပ်ယာလေးထဲမှာ ညက အားလုံးကိုချော့သိပ်နေသည်။ လက်ဆောင်အိပ်မက်ကလေးများကိုပင် ဝေငှလိုက်သေးသည်။ ကြယ်ပုဝါ လဆံထိုးနှင့် လှသောည ကြင်နာသောညကို ဘာ့ကြောင့် ငြူစူရမှာလဲ၊ မုန်းရမှာလဲကွယ်။ ကြိုဆိုပွေ့ဖက်ရုံသာပေါ့။ ဒီအတွေးကြောင့်ပင် ဆည်းဆာက ပိုလို့လှလာသည်။ အမှောင်ထုတဲ့။ ညရဲ့ နောက်ထပ်အဓိပ္ပါယ်တခုဆိုပါတော့။ ရှည်လျားထူသိပ်တဲ့အမှောင်ထုက ဘ၀တွေကို ခဏသေစေသတဲ့။ ခြောက်အိပ်မက်တွေနဲ့ မောပမ်းစေသတဲ့။ ခရီးရှည်ကြီးတခုကို လမ်းပြနေတဲ့ အဝေးက ကြယ်မှိတ်တုတ်ကလေးတွေကလည်း ပေါ်လိုက်ပျောက်လိုက်။ သ...
Les mer

ဖော်. . .ဝေး

နေနွယ် စက်.၀၈ အို သူမသေသေး ငါ့အရေးကို ဖတ်ပ ၁၉၇၈ ခုနှစ်များ နှစ်များ အနှစ်များ အခု ဘယ်နှခုနှစ်လဲ နှစ်ပြီး စဉ်းစားလိုက်ပါ အဲဒါ ကိုဖော်ဝေး ရက်စက်သောဂီတရဲ့ အဆိုတော်တေးရေး အို သူမသေသေး ဒီမှာ အနှေးပြကွက်လို မြင်နေရ ခပ်လျားလျား နောက်ဆုံးစီးသွားတဲ့ သုံးဘီးကား ၀ါကျင်ကျင် အခိုးငွေ့ငွေ့ အင်ဂျင်သံ တမောမောပေါ်မှာ... ဟိုး မမြင်ရထိ သူ လက်ပြနှုတ်ဆက်သွားခဲ့ ငါငိုခဲ့ရ သူစခဲ့တဲ့ အစမှာကိုပါပဲ။ မသောက်ချင်လို့ကို သောက်နေခဲ့ အချိန်ဟာ ထွန့်ထွန့်လူးနေခဲ့ တယောက်ပြာကျသွားပြန်ပတဲ့ ခင်ဗျားရဲ့ လျှာပေါ်က ထွန်ကြောင်း ခင်ဗျာ့ ရိုးသားမှုကို သောက်သုံးခဲ့ရပါကြောင်း ပြိုင်မြင်းတကောင် မဟုတ်ရပါကြောင်း မမှန်မတရားမှာ သင်္ချိုင်းရှိကြောင်း ကြားနေကြကြောင်းတွေနဲ့ ခြားစွာ ဒါ ခင်ဗျား အချိန်မှားခဲ့တဲ့ လည်ရှည်ဖိနပ်တရံမဟုတ် အသင်မှားခဲ့တဲ့ ရုရှားဘာသာစကားမဟုတ် ဒါခင်ဗျာ့ ဖန်ခုန်တမ်းကစားနည်းဖြစ်တယ် နှုတ်ခမ်းနီးစွေး မေတ္တာစာဖြစ်တယ် ဒါခင်ဗျာ့ အပိုအလိုမရှိ တိကျ သချာင်္ဆန် ဂီတကမ္ဗည်း ခင်ဗျားစပ်ခဲ့တဲ့ ညနေခင်းဟင်းတစ်ခွက် ခင်ဗျားသိုထားတဲ့ အဂ္ဂါအလန်ပိုး ဒါခင်ဗျားပေးခဲ့တဲ့ နှစ်ပေါင်းသုံးဆယ် ဘယ်မေ့လျော့နေခွင့် ရှိလေလိမ့်မလဲဗျာ အပ္ပမာဒေနသမ္ပာ ဒေထ။ ကျမ်းကိုး။...
Les mer