poet hninn khar moe

ငါတို့ရဲ့ ကိုယ်ပိုင်တိုင်းပြည် အပင်မှန်ရင် အမြစ်ရှိရမယ် လူမှန်ရင် နေစရာမြေနေရာရှိရမယ် လူမျိုးတိုင်းမှာ နိုင်ငံရှိရမယ်။ ဒါပေမယ့်ငါ့မှာ တိုင်းပြည်နိုင်ငံမရှိပါ။ ပင်လယ်ရေခမ်းတဲ့အထိ ချိုသကြားတွေဆားလိုငန်တဲ့အထိ ငါတို့စောင့်ရမှာလား။ ဘယ်တော့များမှ တို့တိုင်းတို့ပြည်ပြန်ရပါ့။ ။ C. crown, Toe ဆိုတဲ့ နော်ဝေနိုင်ငံမှာအခြေချနေထိုင်နေတဲ့ မြန်မာပြည်က ကရင်လူမျိုးတဦး နော်ဝေဘာသာနဲ့ရေးသားထားတာကို မြန်မာပြန်ထားတာပါ။ ကျနော်တို့လူတွေနေစရာဆိုလို့ ဒီမြေကမ္ဘာတခုပဲရှိတာ။ ဒါကို ပိုင်းကြ၊ ခြမ်းကြ။ ခြံစည်းရိုးခတ်ကြ၊ တံတိုင်းကာကြ။ အလံတွေ မာန်တွေထူကြ။ ဒီမြေအတွက် စစ်ပွဲတွေဆင်နွဲကြ။ ဘ၀တွေ အသက်တွေစွန့်လွှတ်ကြ။ ကမ္ဘာဦးကတည်းက ရေကြည်ရာမြက်နုရာ လွတ်လပ်စွာ နေထိုင်သွားလာခွင့်တွေ ဆုံးရှုံးခဲ့ကြရ။ အိုင်တီထွန်းကားလာတာကိုပြောရင်းနဲ့ လူတွေဟာ မြေကိုခွာပြီး မိုးပေါ်မှာ ကမ္ဘာပြုလာကြပြီလို့ ပြောကြပါတယ်။ မြေကိုအရင်းပြုတဲ့၊ မြေကိုအခြေတည်တဲ့ စီးပွားရေးလူမှုရေးဘ၀တွေကို နည်းပညာက ကျော်လွှားလိုက်တဲ့အခါ ကမ္ဘာကြီးဟာ လုံးရာကပြားသွားတယ်ဆိုတဲ့အယူအဆ ပေါ်ပေါက်လာပါတယ်။ ဒါပေမယ့် ပြားနေတဲ့ကမ္ဘာကြီးဟာ စာရေးခုံတခုံလို မျက်နှာပြင်ညီညာတာတော့မဟုတ်။ြ

ရင်ပြင်တော်ပေါ်မှာ ထီးတွေ၊ လူမျက်နှာတွေ။ အလဲဗင်းသတင်းဂျာနယ်မျက်နှာဖုံးပေါ်က မျက်နှာပြည့်ဓါတ်ပုံက ကျနော့်ကိုဖမ်းစားလိုက်တယ်။ ဓါတ်ပုံကိုလည်း သပ်သပ်ဖြတ်ထုတ်ပြီး သိမ်းလိုက်တယ်။ နောက် ဒက်စတော့ပေါ်တင်ထားလိုက်တယ်။ ဒါနဲ့အာသာကမပြေဘူး။ တခုခုလုပ်ချင်နေသေးတယ်။ ကဗျာရေးမလား။ ဟင့်အင်း။ စကားလုံးတွေထက်တခုခုကို ပိုအာသီသဖြစ်နေမိတယ်။ တနေ့ကကြည့်ဖြစ်တဲ့ရုပ်ရှင်ထဲမှာ ဇာတ်လိုက်ကလူသတ်သမား။ မွေးရာပါသူ့ထူးခြားချက်တခုကြောင့် လူမသတ်ချင်ပဲသတ်ရ။ တယောက်သတ်ပြီးတိုင်း သူ့မှာနာကျင်ကြေကွဲရ။ သူ့ခန္ဒာကိုယ့်လှုံ.ဆော်လာတဲ့အခါ လူသတ်လိုက်ရမှ သူ့မှာလူကောင်းပြန်ဖြစ်၊ ပြန်ကျန်းမာ။ ကောင်းနေတဲ့အချိန်မှာ သူ့ရဲ့ထူးခြားတဲ့အရည်အသွေးကို အသုံးပြုပြီး လူတွေကိုထူးချွန်စွာကယ်တင်တဲ့ ဆရာဝန်ဘ၀။ သူ့ချစ်သူကသူ့လျို့ဝှက်ချက်ကိုသိသွားတဲ့အချိန်မှာ သူ့ခန္ဒာကိုယ်က သူ့ကိုလူသတ်ဖို့လှုံ့ဆော်နေတဲ့အချိန်။ သတ်ရမှာက သူ့ချစ်သူ။ ချစ်သူကိုမသတ်ပဲဝေဒနာကိုခံစားရင်းသာ သူ့ဘ၀ကိုဇာတ်သိမ်းလိုက်ဖို့ဆုံးဖြတ်ထားပေမယ့် ချစ်သူရဲ့နားလည်မှုကိုမရပဲ ရွံရှာမုန်းတီးမှုကိုသာ နာကျင်စွာလက်ခံလိုက်ရတဲ့အဖြစ်။ သူ့တအိမ်ခန်းလုံးမှာ သူဆွဲထားတဲ့ပန်းချီကားတွေ။ သူ့ဝေဒနာက ထွက်ပြေးဖို့ကြိုးစားတိုင်