poet hninn khar moe

ု (စာတမ်းငယ်) သွေ့ခြောက်ခြောက် ရိုးတံကိုင်းဖျားတို့၏ စိမ်းနုပုရစ်ဖူးသေးလေးများပြူလှစ် နေသည်ကပင် နွေဦး၏နိဒါန်းဟု ဆိုနိုင်သည်။ အန်ကျလာသော နေရောင်၏ အနွေးဓာတ်ကို ခိုလှုံရန် အပြင်လောကသို့ ထွက်လာသူများမှာ ဆောင်းကြွင်း လေပြန်၏ အအေးဓါတ်ကြောင့် ရင်ဘတ်ကြယ်သီးများကိုဆွဲစေ့လိုက်ကြရသည်။ ကော်ဖီဆိုင်လေးများက အပြင်ထုတ်ကာစားပွဲခင်းထားကြသည်။ မိန်းမပျိုလေး များမှာ စကပ်တိုလေးများဝတ်လာခဲ့ကြသော်လည်း အောက်က အသားကပ် ခြေအိတ်ရှည်ကြီးများစွပ်လာသည်ကိုတွေ့ရသည်။ နွေရင်ခွင်ကို အတင့်ရဲရဲ မတိုးဝင်ဝံ့ကြ ရှာသေး။ သူတို့လည်း ပုရစ်ဖူးလေးများလိုပင်။ သူတို့အလှကို အားရပါးရဖွင့်လှစ်ပြဖို့ စိတ်စောနေကြပုံရသည်။ ကုန်တိုက်ကြီးများ၏ အပြင်မှန်ခန်းထဲမှာတော့ အရုပ်လှလှကလေးများက နွေဦးဝတ်စုံသစ်များဖြင့် ပျံဝဲနေကြသည်။ မြို့လယ်ရင်ပြင်မှာတော့ လူတို့ စည်ကားလျက်။ မြို့ကို ပတ်ဝိုင်းအုပ်မိုးထားသည့် တောင်များပေါ် လှမ်းကြည့် လိုက်လျှင်မူ နှင်းဖြူဖြူများ ပျော်ကျလွင့်ပျောက်ပြီးစ တောအုပ် ခြောက် ခြောက် မှိုင်းမှိုင်းတို့ကို တွေ့ရသည်။ တောင်ထိပ်ရှိ ရှုခင်းသာ စခန်းလေးပေါ်မှာတော့ လူအုပ်ရိပ်ရိပ်ဖြင့် တိုးလှုပ်နေ သည်။ ခပ်မတ်မတ် တောင်တက်သံလမ်းကလေးအတိုင်း လျှပ်စစ်

နှင်းတွေဝေနေတဲ့မနက်ခင်းတခုမှာ သမီးကိုပွေ့ချီရင်း ကျနော့်ကျောပြင်ကို ငေးမောကျန်ရစ်ခဲ့သည့် သူမရုပ်ပုံက ကျနော့်အတွေးတွေကို ကြီးစိုးနေခဲ့သည်။ ကော့သောင်းဘက်မှာ အလုပ်သွားလုပ်မလို့ ဟု ပြောပြီး ကျနော်ထွက်လာခဲ့ သည်။ မော်လမြိုင်ရောက်ပြီး အတ္တရံမြစ်တဘက်ကမ်းသို့ မကူးမီ သူမဆီ ကျနော်ဖုန်းလှမ်းဆက်လိုက်သည်။ အကြောင်းမှန်ကို ကျနော်ပြောမထွက်ခဲ့။ စာရေးစားပွဲအံဆွဲထဲမှာ စာနှစ်စောင်ထည့်ခဲ့တယ်ဟုသာ ပြောဖြစ်ခဲ့သည်။ တစောင်က ချစ်သောသူ့အတွက်။ တစောင်ကသမီးလေး အတွက်။ သမီးကြီး လို့ စာဖတ်တတ်တဲ့အရွယ်ရောက်တဲ့အခါ ဖေဖေဘယ်မှာလဲလို့ မေးတဲ့အခါ ဒီစာကလေး ပေးဖတ်လိုက်ပါဟု ကျနော်မှာခဲ့သည်။ သူမဘက်က စကားပြော ခွက်က တိတ်ဆိတ်လျက်။ ကျနော်ဘယ်သွားမယ် မပြောသော်လည်း သူမ သဘောပေါက်နေခဲ့ပြီ။ မောင်ပြန်လာမှာပါ စကားပြောခွက်ကိုမချမီ သည်စကားတခွန်းပဲ ကျနော်ပြောထွက်နိုင်ခဲ့သည်။ အတူထွက်လာသည့် သူငယ်ချင်းကတော့ သူ့ချစ်သူဆီ စာရေးမထားဖြစ်ခဲ့။ သူ့ခံစားချက်တွေကို မှတ်စုစာအုပ်လေးထဲ ချရေးထားခဲ့သည်။ မော့်ဆီကိုအရောက်ပြန်လာဖို့ မော့်ဆီက ကိုယ်ထွက်လာခဲ့တာပါ တဲ့။ သူများတွေ အသက်တွေ၊ ဘ၀တွေ စွန့်နေတဲ့ခေတ်မှာ ကျနော်တို့အဖြစ်က လွမ်းလောက်ခဲ့ပါသလား။ ဘာပဲဖြစ်ဖြစ် ကဗျာတပု

၈၈ စက်တင်ဘာ ၂၅ နောက်ပိုင်းကာလ၊ ကျနော်တို့လူငယ်ကျောင်းသားတွေ သွေးအပူဆုံးကာလ။ ပြည်တွင်းမှာ ပါတီဆိုင်းဘုတ်တွေခိုရင်း မြေပေါ်မြေအောက် ပြန်လည်စုရုံးကြ။ နယ်စပ်တွေမှာလည်း အလုံးအရင်းနှင့်စုမိ။ နောက် တပ်ဦးအလံ ထူနိုင်ခဲ့ကြ။ အတွင်းမြေအောက်လှုပ်ရှားမှုများမှတဆင့် ၈၉ ခုနှစ်မှာ ကျနော်လည်း တပ်ဦး အလံတော်အောက် ရောက်သွားသည်။ ၉၀ ခုနှစ်အစောပိုင်းမှာ လုပ်ငန်းတာဝန်ဖြင့် ပြည်တွင်းသို့ ကျနော်ပြန်ဝင်လာသည်။ ပြန်မလာခင် ရေးဖြစ်ခဲ့သော စာတိုပေစ များကို အတူနေသူငယ်ချင်းတချို့ဆီမှာ ထားရစ်ခဲ့သည်။ ဘာတွေလဲတော့ အသေ အချာ မမှတ်မိ။ ထိုအချိန်က နိုင်ငံရေးခံစားချက် ဆူဝေနေချိန်ဖြစ်သည်။ ပြည်တွင်းမှာ အဖမ်းခံရပြီး ကျနော်ထောင်ထဲရောက်နေစဉ် တပ်ဦးအာဘော် ဒေါင်း အိုဝေစာစောင်မှာ ကျနော့်ကဗျာလေးတွေ ပါလာသည်။ ဒါက နောက် နှစ်ကာလ အချိန်တော်တော်ကြာမှ သိရခြင်းဖြစ်သည်။ တနေ့ကတော့ သစ္စာအင်အားစုရဲ့ အင်တာနက် စာမျက်နှာမှာ ဒေါင်းအိုဝေစာစောင်အဟောင်း လေးတွေ တင်ထားတာတွေ့၍ ၀င်မွှေနှောက်ရင်း ကျနော့် ကဗျာတပုဒ်ကို တပ်ဦး၂ နှစ်မြောက် အထူးထုတ်မှာအဖွင့်ကဗျာအဖြစ်တွေ့လိုက်ရသည်။ ၀န်ခံရလျင် ဘ၀အမောကလေးများ အတော်ပြေ သွားသည်။ ၁၇ နှစ် ကြာခဲ့ပါပြီ။ လူထုအရေးတော်ပုံကြီးလည်း

တကယ်က ဆယ်နှစ်ဆိုသောအချိန်သည် မနည်း။ ၈၉၊ ၉၀ ခုနှစ်များ။ ထို့နောက် ၂၀၀၀ ခုနှစ်မှာ ဒီမြို့ ကလေးဆီ သူပြန်ရောက်လာခဲ့သည်။ ကြက်တောင်စည်းနဲ့ ခလေးမလေးကို အပျိုကြီးဖားဖားအဖြစ် ပြန်မြင်လိုက်ရသလို မြို့ကလေးက ပြောင်းလဲခဲ့ပြီ။ ဒီမြို့ကလေးကို ဖြတ်သန်းစုန်ဆန်ခဲ့ကြရသော ဘ၀တွေကကော ဘယ်လောက်ပြောင်းလဲနိုင်ခဲ့ကြပါသလဲ။ မှော်အတတ်ဖြင့် ခြားထားခဲ့သော စည်း တခုလို မြို့ကလေးရဲ့ဘေး ရစ်ခွေစီးဆင်းသွားသောမြစ်တစင်းရဲ့ ဟိုဘက်ကမ်း မှာတော့ အရာရာကိုငေးမောရင်း လှိုက်စားပြိုဆင်းနေသော ကျိန်စာသင့်မြေက ခြောက်သွေ့ခဲပျစ်လျက်။ ထိုမြေမှလွင့်ပါးလာသော ရွက်ကြွေတို့က မြို့ကလေးရဲ့ လမ်းတွေပေါ် ရှပ်တိုက်ပြေးလွှားသွားကြသည်။ ဖုန်းဆိုးမြေရဲ့ ပုံပြင်အဟောင်းအသစ်တို့အတွက် မြို့ကလေးသည် အပျော်ဖတ် စာဖတ်ပရိသတ်တဦးလို အရာရာမှာ ပေါ့ပေါ့ပါးပါး။ တချို့စာမျက်နှာတွေအရောက် ခိုးခိုးခစ်ခစ်ကလေးပင် ရယ်လိုက်သေးဟု ထင်ရသည်။ သူသည် ပါးရိုက်ခံလိုက်ရသူတဦးလို မြို့ကလေးကို မင်သက်မိစွာ ကြည့်နေခဲ့ သည်။ မီးရထားလမ်းခွဲတခုမှာ ဥသြမဆွဲပဲ မောင်းနှင်ထွက်ခွာသွားသော မျက်ရည် နှင့်ရယ်သံများကို သူမေ့ပစ်လိုက်ချင်သည်။ ခလေးတွေ လွှတ်တင်ကစားနေသော စက္ကူစွန်လေးများကို မော့ငေးရင်း တိမ်တွေမှာလ

မုန်းသူမရှိ၊ ချစ်သူသာရှိ။ ရန်သူမရှိ၊ မိတ်ဆွေသာရှိ တဲ့။ လှပသောအဘိဓမ္မာတရပ်ပါပေ။ သို့သော် လူ့လောကသည် ကျနော်တို့ထင်သလို မလှပခဲ့။ သူ့ကိုသတ်မယ့်သူရှိနိုင်သည်ဟု ကြိုတင်သတိပေးပါလျက် ဗိုလ်ချုပ်အောင်ဆန်းသည် လူထုမေတ္တာအပေါ် ယုံစားခဲ့၏။ လူထုသည် သူတို့ခေါင်းဆောင်ကို ချစ်ယုံသာချစ်တတ်ပြီး အကာအကွယ်ပေးရန်မူ ပျက်ကွက်ခဲ့သည်ဟု ကျနော်စွဲချက်တင်ချင်မိသည်။ ပိတ်ကားပေါ်က ရွှေဘကမူ ပရိတ်သတ်လက်ခုပ်သံကြောင့် အလူးအလှိမ့်ခံနေရရာမှ ပြန်ထလာနိုင်၏။ တကယ့်ဘ၀ထဲက လူထုချစ်သောခေါင်းဆောင်တို့ခမျာမှာမူ မတရားမှုများ၏လက်ချက်ဖြင့် ဘ၀နစ်မွန်းခဲ့ကြသည်မှာ အကျည်းတန်သော သမိုင်းစာမျက်နှာတွေပေါ် မြင်နိုင်တွေ့နိုင်ပေသည်။ မည်သို့ပင်ဖြစ်စေ မြင်းတစီး၊ ဓါးတလက်ဖြင့် သစ္စာအရှာထွက်ခဲ့ကြသူများသည် ကျနော်တို့၏နောက်မျိုးဆက်များအတွက် အိပ်ယာဝင်ပုံပြင်များ အမှန်တကယ်ဖြစ်သင့်ပါသည်။ ဗိုလ်ချုပ်အောင်ဆန်းသည် အဖိုးဗိုလ်လရောင်ပုံပြင်ဖြင့် အိပ်ယာဝင်ခဲ့၏။ ကျနော်ကတော့ ကဗျာတပုဒ်ဖြင့် အိပ်ယာဝင်ခဲ့ပါသည်။ ဓါးသမား ၁။ ဒီဓါးက တရားကိုစောင့်တယ်။ လေမှာစပယ်ပန်းနံ့လှိုင်လို့ ကောက်ပင်စိမ်းတွေကိုတိုးဖြတ်ပြီး အိမ်ကိုငါပြန်ခဲ့တယ်၊ ဒီအချိန်ဆို ခြံဝမှာငုတွေထိန်နေရောပေါ့။ အိုကြည့်စမ်းေ

ဈေးကွက်ဂျာနယ်ထဲက ကာတွန်းလေးတပုဒ်ကို သဘောကျမိလို့ ပြန်ဝေငှလိုက်ပါတယ်။ မြန်မာပြည်မှာ ကာတွန်းဆရာတွေနဲ့ စာဖတ်သူတွေဟာ ၀မ်းတူးရိုက်ပြီး ဂိုးဝင်အောင်သွင်းနိုင်ကြပါတယ်ဆိုတဲ့ မြန်မာကာတွန်းဆရာတဦးရဲ့စကားကိုလည်း သတိရမိတယ်။ ဒီညနေမှာ တယောက်ကလက်တို့လိုက်လို့ မမေဓာဝီရဲ့ဘလော့မှာ ရုပ်ရှင်မင်းသားဒွေးကွယ်လွန်တဲ့သတင်းကို ဦးဦးဖျားဖျား ဖတ်လိုက်ရပါတယ်။ ဘီဘီစီညဘက်အစီအစဉ်မှာလည်း နားထောင်လိုက်ရတယ်။ သတင်းနှစ်ခုက သေဆုံးပုံနဲ့ပတ်သတ်လို့ နည်းနည်းတော့ ကွဲလွဲနေတာပေါ့လေ။ မမေဓာဝီရဲ့သတင်းအဆုံးမှာ ငါသည်မုချသေရမည်၊ အချိန်ပိုင်းသာလိုတော့သည် ဆိုတဲ့ တရားဆောင်ပုဒ်ကလေးနဲ့ အဆုံးသတ်ထားပါတယ်။ ကွန်မန့်မှာ အခြားတယောက်ကတော့ အသေမဦးခင် ဥာဏ်ဦးအောင်ကြိုးစားရမယ်လို့ ၀င်ရေးသွားတာ ဖတ်ရပါတယ်။ ကျနော်ကတော့ အပေါ်ကကာတွန်းနဲ့တွဲပြီး သေမင်းရဲ့အထက်မှာဘယ်သူမှမရှိလို့ ရေးချင်မိတယ်။ သေခြင်းနဲ့ယှဉ်စဉ်းစားလိုက်ရင် ကျနော်တို့အရေးတကြီးထားတဲ့အရာတွေအားလုံးဟာ ဘာမှမဟုတ်တော့ဘူး။ အာဏာတွေ၊ ရာထူးစည်းစိမ်တွေ၊ ငါဆိုတဲ့အတ္တတွေ၊ အောင်မြင်ကျော်ကြားမှုတွေ၊ အချစ်တွေ အမုန်းတွေ ဒါတွေအားလုံး ဘာမှမဟုတ်တော့ဘူး။ နည်းနည်းလေး ဆက်စဉ်းစားကြည့်မိတယ်။ ဒီနေ့မြန်မာပြည်မှာ ဖြစ်ပေါ်

မေမှသည် စက်တင်ဘာအထိ၊ ဒီရာသီက မုဆိုးရာသီဟုပြောရမည်ထင်သည်။ သည်လို သူများတွေဝိုင်းဟဲ့ဝန်းဟဲ့လုပ်နေချိန်မှာ ကိုယ်က ဧကစာမီးခိုးလေးတလူလူ လုပ်မနေချင်ပါ။ တချိန်က ကိုယ်လည်း ကမ်းရှာငှက်တကောင်ဖြစ်ခဲ့ဘူးသည်မဟုတ်လား။ မြန်မာပြည်က မထွက်ခင် သူငယ်ချင်းတချို့နှင့် ကဗျာစာအုပ်လေးတအုပ်ထုတ်ဖို့ ပြင်ခဲ့သည်။ အပြင်ရောက်ပြီး တနှစ်လောက်အကြာ (၁၉၉၅ ခုနှစ်ထင်သည်) လူကြုံကတဆင့် စာအုပ်ကလေး ကိုယ့်လက်ထဲရောက်လာ သည်။ စာအုပ်နာမည်က ကမ်းရှာငှက်။ သူတို့အားထုတ်မှုကိုချီးကျုးမိသည်။ ကိုယ်က တာဝန်မကျေခဲ့ဟုလည်း ခံစားရသည်။ ၁၀ နှစ်ကျော်အကြာမှာ ထိုသူငယ်ချင်းတွေက ကမ်းရှာနေကြဆဲ။ ကိုယ်က ဆင်သေကောင်ပေါ်မှာလား၊ လှိုင်းပုတ်ရာလား။ ကိုယ့်ကိုယ်ကိုယ်ယုံကြည်မှု အကျဆင်းဆုံးအချိန်တချိန်ကို ဖြတ်သန်းနေရပြန်သည်။ ထိုအချိန် မှာ ကိုယ့်ကိုယ်ကိုယ် ဆယ်တင်ရန်နှင့် သူငယ်ချင်းတွေကို အကြွေးဆပ်ရန် ကဗျာတပုဒ်ချရေးဖြစ်ခဲ့ သည်။ အားမာန်ဖွဲ့ဟုခေါ်မလား။ ကမ်းရှာငှက်များအားလုံးအတွက် သီခဲ့သည့်တေးဟုလည်း ဆိုနိုင်သည်။ အမှန်တကယ်လည်း ဒီမိုးကောင်ကင်ကြီးအောက်မှာ ကိုယ်တို့အားလုံးအတွက် ကမ်းခြေတခုရှိနေတယ်ဆိုတာ။ ကမ်းရှာငှက်တို့တေး ၁။ အတောင်သန်လို့ လေဆန်ခဲ့သည်တော့မဟုတ် ယုံကြည်ချက်ဖြင့်

တတိယနိုင်ငံရောက်နေပေမယ့်လည်း ကိုယ်ကဒုက္ခသည်တပိုင်းမျှရှိသေးသည်။ သည်တော့ နွေရာသီ အားလပ်ရက်ရောက်လည်း ကမ္ဘာထွက်ပတ်နိုင်သည့် အခြေအနေမရှိသေး။ မလာခင်ကတည်းက ပြန်မယ် အားခဲထားသည့် နယ်စပ်လုပ်ငန်းခွင်ဆီလည်း မပြန်နိုင်သေး။ အင်တာနက်တလုံးဖြင့် စာတိုပေစလေးတွေ ရေးရင်းသာ အာသာဖြေရသည်။ တခါတလေတော့လည်း အရေးသမား၊ အတွေးသမားအဖြစ်ဖြင့်ပင် ကျေနပ်မနေချင်။ ကိစ္စတခုအောင်မြင် ပြီးမြောက်ဖို့ဆိုတာ အလုပ်သမားတွေ များများလိုသည်။ ထိုသို့အတွေးဝင်လာလျင် ကိုယ့်လက်ရှိဘ၀အပေါ် စိတ်ပျက်ညည်းငွေ့မိပြန်သည်။ ထိုအခါ လောကီဘုံရဲ့အထပ်ခိုးကလေးတခုထဲမှာ နေ့ရက်ပေါင်းတော်တော် များများကို ကိုယ်တယောက်တည်းလှော်ခတ်ခဲ့ရလေသည်။ တယောက်တည်းလှော်ခတ်ခဲ့တဲ့နေ့ ကျန်းမာရေးအတွက် လမ်းလျောက်ဖို့လိုတယ် အခုတော့ စိတ်ကူးတွေဟာ ဆိုဖာပေါ်မှာပဲထိုင်နေတယ်။ အပြင်မှာ လေကောင်းလေသန့်ရမယ် နေရောင်ခြည်ရမယ် သစ်ပင်စိမ်းစိမ်းတွေမြင်ရမယ် မိန်းမလှတွေတွေ့ရမယ် ခုံတန်းလျားတခုပေါ်မှာ ငှက်တွေကိုထိုင်ကြည့်နိုင်မယ် အခုတော့လူက အခန်းထဲမှာလူးလာတုန့်ခေါက်နေတယ်။ ပြတင်းပေါက်ရှိရင် ရုပ်မြင်သံကြားရှိရင် ကွန်ပြူတာရှိရင် တယ်လီဖုန်းရှိရင် စကားပြောရမှာမပျင်းတဲ့အသိတယောက်ရှိရင် အခန်းကျဉ်းကလေးထဲမှ